ಬೆಂಗಳೂರು: ಹೊಸದಾಗಿ ಬಿಪಿಎಲ್ (BPL) ರೇಷನ್ ಕಾರ್ಡ್ ಮಾಡಿಸಲು ಕಾಯುತ್ತಿದ್ದ ಲಕ್ಷಾಂತರ ಕುಟುಂಬಗಳಿಗೆ ರಾಜ್ಯ ಸರ್ಕಾರ ಕೊನೆಗೂ ಸಿಹಿಸುದ್ದಿ ನೀಡಿದೆ. ಕಳೆದ ಹಲವು ತಿಂಗಳಿಂದ ಸ್ಥಗಿತಗೊಂಡಿದ್ದ ಹೊಸ ರೇಷನ್ ಕಾರ್ಡ್ ಅರ್ಜಿ ಸಲ್ಲಿಕೆ ಪ್ರಕ್ರಿಯೆಗೆ ಇದೇ ಫೆಬ್ರವರಿ (February) ತಿಂಗಳಲ್ಲಿ ಮರುಚಾಲನೆ ನೀಡಲು ಆಹಾರ ಇಲಾಖೆ ಸಜ್ಜಾಗಿದೆ.
ನೀವು ಹೊಸ ಕಾರ್ಡ್ಗೆ ಅರ್ಜಿ ಹಾಕುವ ಪ್ಲಾನ್ ಮಾಡಿದ್ದರೆ, ಈ ಹೊಸ ನಿಯಮಗಳನ್ನು (New Rules) ತಪ್ಪದೇ ತಿಳಿಯಿರಿ.
ಅಕ್ರಮ ಕಾರ್ಡ್ಗಳಿಗೆ ಬ್ರೇಕ್
ರಾಜ್ಯದಲ್ಲಿ ಶ್ರೀಮಂತರು, ಸರ್ಕಾರಿ ನೌಕರರು ಮತ್ತು ಐಟಿ (IT) ಕಟ್ಟುವವರು ಕೂಡ ಬಡವರ ಬಿಪಿಎಲ್ ಕಾರ್ಡ್ ಪಡೆದಿದ್ದು ತನಿಖೆಯಲ್ಲಿ ಬೆಳಕಿಗೆ ಬಂದಿತ್ತು. ಇದನ್ನು ತಡೆಯಲು ಸರ್ಕಾರ ಇ-ಕೆವೈಸಿ (e-KYC) ಮೂಲಕ ಬೋಗಸ್ ಕಾರ್ಡ್ಗಳನ್ನು ರದ್ದು ಮಾಡಿದೆ. ಈಗ ಕೇವಲ ಅರ್ಹ ಬಡವರಿಗೆ ಮಾತ್ರ ಕಾರ್ಡ್ ನೀಡಲು ಸಿದ್ಧತೆ ನಡೆಸಲಾಗಿದೆ.
ಹೊಸ ನಿಯಮಗಳೇನು? (Eligibility)
ಸರ್ಕಾರ ಜಾರಿಗೆ ತಂದಿರುವ ಹೊಸ ಮಾನದಂಡಗಳ ಪ್ರಕಾರ, ಈ ಕೆಳಗಿನವರು ಬಿಪಿಎಲ್ ಕಾರ್ಡ್ಗೆ ಅರ್ಜಿ ಹಾಕುವಂತಿಲ್ಲ:
ಕಾರು ಇರುವಂತಿಲ್ಲ: ಮನೆಯಲ್ಲಿ ಸ್ವಂತ ಬಳಕೆಯ ಕಾರು (White Board Car) ಹೊಂದಿರುವವರು ಬಿಪಿಎಲ್ ಕಾರ್ಡ್ ಪಡೆಯಲು ಅನರ್ಹರು.
ಸರ್ಕಾರಿ ನೌಕರರು: ಕುಟುಂಬದ ಯಾವುದೇ ಸದಸ್ಯರು ಸರ್ಕಾರಿ ಕೆಲಸದಲ್ಲಿದ್ದರೆ ಅರ್ಜಿ ಹಾಕುವಂತಿಲ್ಲ.
ತೆರಿಗೆ ಪಾವತಿದಾರರು: ಆದಾಯ ತೆರಿಗೆ (Income Tax) ಕಟ್ಟುವವರಿಗೆ ಬಿಪಿಎಲ್ ಕಾರ್ಡ್ ಸಿಗುವುದಿಲ್ಲ.
ಒಂದೇ ಕಾರ್ಡ್: ಒಂದೇ ಮನೆಯಲ್ಲಿದ್ದು, ಮದುವೆಯಾಗದಿದ್ದರೂ ಸುಳ್ಳು ಹೇಳಿ ಪ್ರತ್ಯೇಕ ಕಾರ್ಡ್ ಮಾಡಿಸುವಂತಿಲ್ಲ. ‘ಒಂದು ಕುಟುಂಬಕ್ಕೆ ಒಂದೇ ಕಾರ್ಡ್’ ನಿಯಮ ಕಡ್ಡಾಯವಾಗಿದೆ.
ಅನಾರೋಗ್ಯ ಪೀಡಿತರಿಗೆ ಮೊದಲ ಆದ್ಯತೆ
ತುರ್ತು ಚಿಕಿತ್ಸೆಗಾಗಿ (Medical Emergency) ರೇಷನ್ ಕಾರ್ಡ್ ಕೋರಿ ಈಗಾಗಲೇ 3 ಲಕ್ಷಕ್ಕೂ ಹೆಚ್ಚು ಅರ್ಜಿಗಳು ಸಲ್ಲಿಕೆಯಾಗಿವೆ. ಇವುಗಳನ್ನು ಮೊದಲು ಪರಿಶೀಲಿಸಿ, ನಿಜವಾಗಿಯೂ ಕಷ್ಟದಲ್ಲಿರುವವರಿಗೆ ತಕ್ಷಣ ಕಾರ್ಡ್ ನೀಡಲು ಇಲಾಖೆ ನಿರ್ಧರಿಸಿದೆ. ನಂತರವಷ್ಟೇ ಸಾಮಾನ್ಯ ಜನರಿಗೆ ಅರ್ಜಿ ಸಲ್ಲಿಸಲು ಅವಕಾಶ ಸಿಗಲಿದೆ.
ಅರ್ಜಿ ಎಲ್ಲಿ ಸಲ್ಲಿಸಬೇಕು?
ಅರ್ಜಿ ಸಲ್ಲಿಕೆ ಆರಂಭವಾದ ಕೂಡಲೇ ನೀವು ಈ ಕೆಳಗಿನ ಕೇಂದ್ರಗಳಲ್ಲಿ ಅರ್ಜಿ ಹಾಕಬಹುದು:
ಗ್ರಾಮ ಒನ್ (Grama One)
ಕರ್ನಾಟಕ ಒನ್ (Karnataka One)
ಬೆಂಗಳೂರು ಒನ್ (Bangalore One)
ಸೇವಾ ಸಿಂಧು ಪೋರ್ಟಲ್ (Seva Sindhu Portal)
ಬೇಕಾಗುವ ದಾಖಲೆಗಳು (Documents Required)
ಕುಟುಂಬದ ಎಲ್ಲಾ ಸದಸ್ಯರ ಆಧಾರ್ ಕಾರ್ಡ್ (Aadhar Card).
ಇತ್ತೀಚಿನ ಆದಾಯ ಪ್ರಮಾಣ ಪತ್ರ (Income Certificate).
ಜಾತಿ ಪ್ರಮಾಣ ಪತ್ರ (Caste Certificate).
ವಾಸಸ್ಥಳ ದೃಢೀಕರಣ (ವಿದ್ಯುತ್ ಬಿಲ್ ಅಥವಾ ಬಾಡಿಗೆ ಕರಾರು ಪತ್ರ).
ಚಾಲ್ತಿಯಲ್ಲಿರುವ ಮೊಬೈಲ್ ಸಂಖ್ಯೆ.
ಮನೆಯಲ್ಲಿ 6 ವರ್ಷದೊಳಗಿನ ಮಕ್ಕಳಿದ್ದರೆ ಜನನ ಪ್ರಮಾಣ ಪತ್ರ (Birth Certificate).
ಗಮನಿಸಿ: ಅರ್ಜಿ ಯಾವಾಗ ಓಪನ್ ಆಗುತ್ತೆ ಎಂದು ತಿಳಿಯಲು ನಿಮ್ಮ ಹತ್ತಿರದ ಗ್ರಾಮ ಒನ್ ಕೇಂದ್ರವನ್ನು ಸಂಪರ್ಕಿಸುತ್ತಿರಿ ಅಥವಾ ಆಹಾರ ಇಲಾಖೆ ವೆಬ್ಸೈಟ್ ಗಮನಿಸುತ್ತಿರಿ.
KSRTC ಲಗೇಜ್ ದರ ಏರಿಕೆ: ಇಂದಿನಿಂದಲೇ ಹೊಸ ದರ ಜಾರಿ; ನಿಮ್ಮ ಜೇಬಿಗೆ ಎಷ್ಟು ಹೊರೆ?
