GST revision : ಕೇಂದ್ರ ಸರ್ಕಾರ ಮಧ್ಯಮ ವರ್ಗದವರ ಮೇಲಿನ ಹೊರೆ ಇಳಿಸಲು ಜಿಎಸ್ಟಿ 2.0 ಪರಿಷ್ಕರಣೆಯನ್ನು ಮಾಡಿದೆ. ಈ ನಿಯಮ ಜಾರಿಗೊಂಡ ಬಳಿಕ ಹಲವು ಉತ್ಪನ್ನಗಳ ಬೆಲೆ ಇಳಿಕೆಗೊಳ್ಳುತ್ತಿವೆ.
ಇದೀಗ ಮದರ್ ಡೈರಿ ತನ್ನ ಡೈರಿ ಮತ್ತು ಆಹಾರ ಉತ್ಪನ್ನಗಳ ಶ್ರೇಣಿಯಾದ್ಯಂತ ಬೆಲೆಗಳನ್ನು ಕಡಿತಗೊಳಿಸುತ್ತಿದೆ ಎಂದು ಹೇಳಿದೆ. ಕಡಿಮೆಯಾದ ಬೆಲೆಗಳು ಸೆಪ್ಟೆಂಬರ್ 22 ರಿಂದ ಜಾರಿಗೆ ಬರಲಿವೆ. ಮದರ್ ಡೈರಿ ತನ್ನ ಸಂಪೂರ್ಣ ಬಂಡವಾಳವು ಈಗ ಶೂನ್ಯ-ತೆರಿಗೆ ವರ್ಗ ಅಥವಾ ಕಡಿಮೆ 5% ಸ್ಲ್ಯಾಬ್ ಅಡಿಯಲ್ಲಿ ಬರುತ್ತದೆ ಎಂದು ಹೇಳಿದೆ.
ಮದರ್ ಡೈರಿ ಹಾಲು ಸೇರಿ ಹಲವು ಉತ್ಪನ್ನಗಳ ಬೆಲೆ ಇಳಿಕೆ
GST ದರಗಳ ಪರಿಷ್ಕರಣೆಯ ಬಳಿಕ ತಕ್ಷಣದಿಂದ ಜಾರಿಗೆ ಬರುವಂತೆ ಮದರ್ ಡೈರಿ ತನ್ನ ವಿವಿಧ ಡೈರಿ ಉತ್ಪನ್ನಗಳ ಬೆಲೆಯಲ್ಲಿ ಕಡಿತವನ್ನು ಘೋಷಿಸಿದೆ. ಟೋನ್ಡ್ ಹಾಲು, ಪನೀರ್, ಬೆಣ್ಣೆ, ತುಪ್ಪ ಸೇರಿ 15 ವಸ್ತುಗಳ ಬೆಲೆ ಇಳಿಕೆಯಾಗಿದೆ.
- UHT ಟೋನ್ಡ್ ಹಾಲು ಲೀಟರ್ ಗೆ ₹2 ಇಳಿಕೆಯಾಗಿದೆ.
- ಪನೀರ್ 200 ಗ್ರಾಂ ಪ್ಯಾಕ್ ಬೆಲೆಯಲ್ಲಿ ₹3 ಇಳಿಕೆಯಾಗಿದೆ.
- ಬೆಣ್ಣೆಯ 500 ಗ್ರಾಂ ಪ್ಯಾಕ್ಗೆ ₹20 ಇಳಿಕೆಯಾಗಿದೆ.
- ಮದರ್ ಡೈರಿ ವಿವಿಧ ಮಿಲ್ಕ್ಶೇಕ್ಗಳ 180 ML ಪ್ಯಾಕ್ಗೆ ₹2 ಇಳಿಕೆಯಾಗಿದೆ.
GST ಕಡಿತ: ಔಷಧಗಳ ಬೆಲೆಯೂ ಕಡಿಮೆ ಆಗುತ್ತಾ?
ಸೆ. 22ರಿಂದ ಹೊಸ GST ದರಗಳು ಚಾಲನೆಗೆ ಬರಲಿದ್ದು, ಹೆಚ್ಚಿನ ವಸ್ತುಗಳ ಮೇಲೆ GST ಕಡಿಮೆಗೊಳ್ಳಲಿದೆ. ಹಾಗಾಗಿ ಹಲವು ವಸ್ತುಗಳ ಬೆಲೆಗಳೂ ತಗ್ಗಲಿವೆ. GST ದರ ಕಡಿತದ ಪರಿಣಾಮ ಜನಸಾಮಾನ್ಯರಿಗೂ ತಲುಪಬೇಕು ಎಂಬುದು ಸರ್ಕಾರದ ಆಶಯ.
ಈಗಾಗಲೇ ಮಾರಾಟವಾಗದೇ ಇರುವ ಸರಕುಗಳಿಗೆ MRP ದರವನ್ನು ಪರಿಷ್ಕರಿಸಲು ಸರ್ಕಾರ ಡಿ. 31ರ ವರೆಗೆ ಅವಕಾಶ ನೀಡಿದೆ. ಮಾರುಕಟ್ಟೆಯಲ್ಲಿ ಈಗಾಗಲೇ ಇರುವ ಔಷಧಗಳು & ವೈದ್ಯಕೀಯ ಸಲಕರಣೆಗಳ ಬೆಲೆಗಳನ್ನು ಕಡಿಮೆ ಮಾಡಲು ಕ್ರಮ ತೆಗೆದುಕೊಳ್ಳಲಾಗಿದೆ.
