Cluster Beans: ಆರೋಗ್ಯದ ದೃಷ್ಟಿಯಿಂದ ನಾವು ದಿನನಿತ್ಯ ಸೇವಿಸುವ ತರಕಾರಿಗಳಲ್ಲಿ ‘ಚವಳಿಕಾಯಿ’ (Cluster Beans) ಕೂಡ ಅತ್ಯಂತ ಪ್ರಮುಖವಾಗಿದ್ದು, ಮಾರುಕಟ್ಟೆಯಲ್ಲಿ ಅಗ್ಗವಾಗಿ ಸಿಗುವ ಈ ತರಕಾರಿಯಲ್ಲಿ ಅಡಗಿರುವ ಪೋಷಕಾಂಶಗಳು ನಮ್ಮ ದೇಹಕ್ಕೆ ಸಂಜೀವಿನಿಯಂತೆ ಕೆಲಸ ಮಾಡುತ್ತವೆ. ಚವಳಿಕಾಯಿಯನ್ನು ನಿಯಮಿತವಾಗಿ ಆಹಾರದಲ್ಲಿ ಬಳಸುವುದರಿಂದ ಆಗುವ 5 ಪ್ರಮುಖ ಲಾಭಗಳು ಇಲ್ಲಿವೆ:
ಮಧುಮೇಹ ನಿಯಂತ್ರಣ (Sugar Control):
ಚವಳಿಕಾಯಿಯಲ್ಲಿ ಗ್ಲೈಸೆಮಿಕ್ ಇಂಡೆಕ್ಸ್ (GI) ಬಹಳ ಕಡಿಮೆಯಿದ್ದು, ಮಧುಮೇಹಿಗಳು ಇದನ್ನು ಸೇವಿಸಿದರೆ ರಕ್ತದಲ್ಲಿನ ಸಕ್ಕರೆ ಮಟ್ಟ ತಕ್ಷಣವೇ ಏರಿಕೆಯಾಗದೆ, ಸಂಪೂರ್ಣ ಹತೋಟಿಯಲ್ಲಿರುತ್ತದೆ.
ಇದನ್ನೂ ಓದಿ: ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ 1 ಚಮಚ ನೆನೆಸಿದ ‘ಮೆಂತ್ಯ’ ತಿಂದರೆ ಏನಾಗುತ್ತೆ ಗೊತ್ತಾ?
ಬಲಿಷ್ಠ ಮೂಳೆಗಳು (Strong Bones):
ಚವಳಿಕಾಯಿ ಮತ್ತು ಅದರ ಬೀಜಗಳನ್ನು ಕ್ಯಾಲ್ಸಿಯಂನ ಉಗ್ರಾಣ ಎಂದೇ ಕರೆಯಲಾಗುತ್ತಿದ್ದು, ಕ್ಯಾಲ್ಸಿಯಂ ಮತ್ತು ರಂಜಕ (Phosphorus) ಹೇರಳವಾಗಿರುವುದರಿಂದ ಮೂಳೆಗಳು ಬಲಶಾಲಿಯಾಗುತ್ತವೆ.
ಹೃದಯದ ಆರೋಗ್ಯಕ್ಕೆ ಉತ್ತಮ (Heart Health):
ದೇಹದಲ್ಲಿನ ಕೆಟ್ಟ ಕೊಲೆಸ್ಟ್ರಾಲ್ (ಬೊಜ್ಜು) ಕರಗಿಸಲು ಇದು ಸಹಕಾರಿಯಾಗಿದ್ದು, ಇದರಲ್ಲಿರುವ ಫೈಬರ್, ಪೊಟ್ಯಾಸಿಯಮ್ ಮತ್ತು ಫೋಲೇಟ್ ಅಂಶಗಳು ಹೃದಯ ಸಂಬಂಧಿ ಕಾಯಿಲೆಗಳಿಂದ ನಿಮ್ಮನ್ನು ರಕ್ಷಿಸುತ್ತವೆ.
ಇದನ್ನೂ ಓದಿ: ಜೀರ್ಣಕ್ರಿಯೆಗೆ ರಾಮಬಾಣ ಈ ಪುಟ್ಟ ಎಲೆ: ದಿನಾ ನಾಲ್ಕು ಪುದೀನಾ ಎಲೆ ತಿಂದರೆ ಏನಾಗುತ್ತೆ ನೋಡಿ!
ರಕ್ತದೊತ್ತಡಕ್ಕೆ ಕಡಿವಾಣ (BP Control):
ಅಧಿಕ ರಕ್ತದೊತ್ತಡದಿಂದ ಬಳಲುತ್ತಿರುವವರಿಗೆ ಚವಳಿಕಾಯಿ ಉತ್ತಮ ಮನೆಮದ್ದಾಗಿದ್ದು, ಇದರಲ್ಲಿರುವ ಹೈಪೋಲಿಪಿಡೆಮಿಕ್ ಗುಣಲಕ್ಷಣಗಳು ಬಿಪಿಯನ್ನು ಸಹಜ ಸ್ಥಿತಿಯಲ್ಲಿಡಲು ಸಹಾಯ ಮಾಡುತ್ತವೆ.
ಮಲಬದ್ಧತೆ ನಿವಾರಣೆ (Digestion):
ಚವಳಿಕಾಯಿಯಲ್ಲಿ ನಾರಿನಂಶ (Fiber) ಸಮೃದ್ಧವಾಗಿರುವ ಕಾರಣ, ಇದು ಜೀರ್ಣಕ್ರಿಯೆಯನ್ನು ಸುಧಾರಿಸಲಿದ್ದು, ಮಲಬದ್ಧತೆ, ಗ್ಯಾಸ್ಟ್ರಿಕ್ ಸಮಸ್ಯೆಯನ್ನು ನಿವಾರಿಸಿ, ಹೊಟ್ಟೆಯನ್ನು ಸ್ವಚ್ಛವಾಗಿಡಲು ಇದು ಅತ್ಯಂತ ಉಪಯುಕ್ತ.
ಇದನ್ನೂ ಓದಿ: ದಿನಕ್ಕೆ 4 ನೆನೆಸಿದ ಬಾದಾಮಿ ತಿಂದರೆ ಏನಾಗುತ್ತೆ ಗೊತ್ತಾ? ಸೌಂದರ್ಯದಿಂದ ಆರೋಗ್ಯದವರೆಗೆ ಇಲ್ಲಿದೆ ಮ್ಯಾಜಿಕ್!
