ಮಳೆಗಾಲ ಆರಂಭಗೊಂಡಿದೆ. ಮಳೆಗಾಲದಲ್ಲಿ ಆರೋಗ್ಯದ ಕಡೆಗೆ ತುಸು ಹೆಚ್ಚು ಗಮನ ಕೊಡಬೇಕಾಗುತ್ತದೆ. ಅದರಲ್ಲೂ ಮಕ್ಕಳು ಹಾಗೂ ವೃದ್ಧರ ಕುರಿತಂತೆ ಹೆಚ್ಚು ಗಮನ ನೀಡಬೇಕಾಗುತ್ತದೆ. ಮಳೆಗಾಲದಲ್ಲಿ ಕಾಯಿಲೆಗಳ ಉಂಟುಮಾಡುವ ಹತ್ತಾರು ಅಂಶಗಳು ನಮ್ಮ ಮನೆ ಹೊಸ್ತಿಲಿಗೆ ಬರುತ್ತವೆ. ಮಳೆಗಾಲ ಬಂತೆಂದರೆ ಆಹಾರಗಳು ಸಹ ಕೆಲವು ಅನಾರೋಗ್ಯಕ್ಕೆ ಕಾರಣವಾಗಬಹುದು.
ಹೀಗಾಗಿ ಮಳೆಗಾಲದಲ್ಲಿ ಕೆಲವೊಂದು ಆಹಾರಗಳನ್ನು ಸೇವಿಸದಿರುವುದು ಉತ್ತಮ. ಆದ್ರೆ ಮಳೆಗಾಲದಲ್ಲಿ ಅತ್ಯುತ್ತಮ ಫುಡ್ ಸೇವಿಸಬೇಕು ಎನ್ನುವುದು ಹಲವರ ಆಸೆ. ಏಕೆಂದರೆ ಮಳೆಗಾಲದಲ್ಲಿ ಬಿಸಿ ಬಿಸಿಯ ಫುಡ್ ಸೇವಿಸಬೇಕು. ನಾಲಿಗೆ ರುಚಿಗೆ ಫಾಸ್ಟ್ ತಿನ್ನಬೇಕು ಎಂಬ ಬಯಕೆ ಇರಲಿದೆ. ಮಳೆಯಲ್ಲಿ ಬಿಸಿ ಬಿಸಿ ಫುಡ್ ಸೇವಿಸೋದು ಅಂದ್ರೆ ಎಲ್ಲರಿಗೂ ಇಷ್ಟವೆ.
ಆದ್ರೆ ಕೆಲವೊಂದು ಆಹಾರ ಮಳೆಗಾಲದಲ್ಲಿ ನಿಮ್ಮ ಆರೋಗ್ಯಕ್ಕೆ ಹಾನಿಕಾರಕವಾಗಲಿದೆ. ಕೆಲವು ಆಹಾರಗಳು ಸೋಂಕಿನ ಹೆಚ್ಚಿನ ಅಪಾಯವನ್ನು ಹೊಂದಿರುತ್ತವೆ ಮತ್ತು ಜೀರ್ಣಕಾರಿ ಸಮಸ್ಯೆಗಳು ಹೆಚ್ಚಿನ ಆರ್ದ್ರತೆಯ ಮಟ್ಟವನ್ನು ಹೊಂದಿರುತ್ತವೆ ಮತ್ತು ತೇವಾಂಶವು ಬ್ಯಾಕ್ಟೀರಿಯಾ, ಶಿಲೀಂಧ್ರಗಳು ಮತ್ತು ಇತರ ರೋಗಕಾರಕಗಳ ಬೆಳವಣಿಗೆಗೆ ಅನುಕೂಲಕರ ಪರಿಸ್ಥಿತಿಗಳನ್ನು ಸೃಷ್ಟಿಸುತ್ತದೆ. ಹಾಗಾದ್ರೆ ನಾವಿಂದು ಅಂತಹ ಆಹಾರಗಳ ಕುರಿತು ತಿಳಿದುಕೊಳ್ಳೋಣ.
ಸೊಪ್ಪು
ಚಳಿಗಾಲದ ತರಕಾರಿಯಾದರೂ ಪಾಲಕ್ ಸೊಪ್ಪು ಮಾರುಕಟ್ಟೆಯಲ್ಲಿ ವರ್ಷಪೂರ್ತಿ ಸಿಗುತ್ತದೆ. ಹೆಚ್ಚು ಪೌಷ್ಟಿಕಾಂಶ ಮತ್ತು ಕಬ್ಬಿಣದಿಂದ ತುಂಬಿರುವ ಪಾಲಕ್ ಒಂದು ಸೂಪರ್ಫುಡ್ ಆಗಿದ್ದು ಅದು ನಿಮ್ಮನ್ನು ಸದೃಢವಾಗಿ ಮತ್ತು ಆರೋಗ್ಯಕರವಾಗಿಸಲು ಸಹಾಯ ಮಾಡುತ್ತದೆ. ಆದರೆ ಪಾಲಕ್ ಅನ್ನು ಮಳೆಗಾಲದಲ್ಲಿ ಸೇವಿಸದಿರುವುದೇ ಉತ್ತಮವಂತೆ. ಏಕೆಂದರೆ ಮಳೆಯ ಹಿನ್ನೆಲೆ ಸೂಕ್ಷ್ಮಾಣು ಜೀವಿಗಳಿಗೆ ಸೊಪ್ಪು ಆವಾಸ ಸ್ಥಳವಾಗಿರಲಿದೆ. ಈ ಸೊಪ್ಪಗಳನ್ನು ಬೆಳಯುವ ಪ್ರದೇಶದಲ್ಲಿ ಸಹ ಮಳೆಗಾಲದಲ್ಲಿ ಸ್ವಚ್ಛತೆ ಕಡಿಮೆಯಾಗಿರುತ್ತದೆ. ಪಾಲಕ್ ಎಲೆಗಳು ತೇವಾಂಶವನ್ನು ಉಳಿಸಿಕೊಳ್ಳುತ್ತವೆ ಮತ್ತು ಬ್ಯಾಕ್ಟೀರಿಯಾದಿಂದ ಕಲುಷಿತವಾಗುತ್ತವೆ ಮತ್ತು ತೇವ ಮತ್ತು ಆರ್ದ್ರ ವಾತಾವರಣವು ಸೂಕ್ಷ್ಮಜೀವಿಗಳು ಮತ್ತು ಪರಾವಲಂಬಿಗಳಿಗೆ ಸಂತಾನೋತ್ಪತ್ತಿ ಮಾಡುವ ಸ್ಥಳವಾಗಿದೆ.
ಬೀದಿ ಬದಿಯ ಫಾಸ್ಟ್ಫುಡ್
ಬೀದಿ ಬದಿಯ ಫಾಸ್ಟ್ಫುಡ್
ಮಳೆಗಾಲದಲ್ಲಿ ಬೀದಿ ಬದಿಯಲ್ಲಿ ಬಿಸಿ ಬಿಸಿ ಫಾಸ್ಟ್ ಫುಡ್ ಸೇವಿಸೋದು ಅಂದ್ರೆ ಎಲ್ಲರಿಗೂ ಇಷ್ಟವಾಗುತ್ತೆ. ಗೋಲ್ ಗಪ್ಪಾಗಳು, ಪಾನೀಪೂರಿ, ಸಮೋಸಾ ಇತ್ಯಾದಿಗಳು ಅತಿಸಾರ, ವಾಂತಿ, ವಾಕರಿಕೆ, ಹೊಟ್ಟೆಯ ಸೋಂಕು ಮತ್ತು ಇತರ ಆಹಾರದಿಂದ ಉಂಟಾಗುವ ಕಾಯಿಲೆಗಳಂತಹ ಮಾರಣಾಂತಿಕ ಪರಿಸ್ಥಿತಿಗಳಿಗೆ ಕಾರಣವಾಗಬಹುದು. ಏಕೆಂದರೆ ಮಳೆಗಾಲದಲ್ಲಿ ಇವು ಫಂಗಸ್ ಬೆಳೆಯುವ ಪ್ರದೇಶವಾಗಬಹುದು.
ಸಮುದ್ರದ ಆಹಾರ
ಸಮುದ್ರದ ಆಹಾರ
ಮಳೆಗಾಲದ ವಾತಾವರಣವು ಬ್ಯಾಕ್ಟೀರಿಯಾದ ಸೋಂಕಿನ ಬೆಳವಣಿಗೆಯಿಂದಾಗಿ ನೀರಿನ ಮೂಲಕ ಹರಡುವ ರೋಗಗಳಿಗೆ ಕಾರಣವಾಗುತ್ತದೆ. ಹೀಗಾಗಿ ಸೀಫುಡ್ಗಳನ್ನು ಮಳೆಗಾಲದ ಸಮಯದಲ್ಲಿ ತ್ಯಜಿಸುವುದು ಉತ್ತಮ. ಈ ವೇಳೆ ಮೀನು ಮತ್ತು ಸಿಗಡಿಗಳಂತಹ ಸಮುದ್ರಾಹಾರವು ಬ್ಯಾಕ್ಟೀರಿಯಾದಿಂದ ತುಂಬಿರುವ ಸಾಧ್ಯತೆ ಹೆಚ್ಚಾಗಿರುತ್ತದೆ. ಇದರ ಜೊತೆಗೆ ಮಳಗಾಲದಲ್ಲಿ ಸಮುದ್ರ ಜೀವಿಗಳು ಸಂತಾನೋತ್ಪತ್ತಿಯಲ್ಲಿ ತೊಡಗುವ ಕಾಲವಾಗಿದೆ. ಇದು ಆರೋಗ್ಯಕ್ಕೆ ಉತ್ತಮವಲ್ಲ.
ಕತ್ತರಿಸಿ ಇಟ್ಟ ಹಣ್ಣುಗಳು
ಕತ್ತರಿಸಿ ಇಟ್ಟ ಹಣ್ಣುಗಳು
ಹಣ್ಣುಗಳು ಮತ್ತು ಸಲಾಡ್ಗಳು ತುಂಬಾ ಆರೋಗ್ಯಕರ ಮತ್ತು ಪೌಷ್ಟಿಕಾಂಶದಿಂದ ಕೂಡಿರುತ್ತವೆ. ಆದರೆ ಮಳೆಗಾಲದಲ್ಲಿ ಕತ್ತರಿಸಿ ಇಟ್ಟಿರುವ ಆಹಾರ ಸವಿಯಬಾರದು, ಅದರಲ್ಲೂ ಬೀದಿ ಬದಿಯಲ್ಲಿ ಸಿಗುವಂತಹ ಫ್ರೂಟ್ ಸಲಾಡ್ಗಳು, ಒಳ್ಳೆಯದಲ್ಲ. ಏಕೆಂದರೆ ಹಲವು ನಿಮಿಷಗಳ ಕಾಲ ಕತ್ತರಿಸಿ ಇಟ್ಟ ಆಹಾರವು ಮಳೆಗಾಲದಲ್ಲಿ ಹಲವು ರೀತಿಯ ಸೂಕ್ಷ್ಮಾಣು ಜೀವಿಗಳ ಆವಾಸ ಸ್ಥಾನವಾಗಿರಲಿದೆ.
ಕೆಲ ಡೈರಿ ಉತ್ಪನ್ನಗಳು
ಮಳೆಗಾದಲ್ಲಿ ಡೈರಿ ಉತ್ಪನ್ನಗಳ ಸೇವನೆ ಸಹ ಅಪಾಯಕಾರಿಯಂತೆ, ಅದರಲ್ಲೂ ಹಲವು ದಿನಗಳಿಂದ ಇಟ್ಟಿರುವ ಡೈರಿ ಉತ್ಪನ್ನವು ಅನಾರೋಗ್ಯಕ್ಕೆ ಕಾರಣವಾಗಬಹುದು. ಡೈರಿ ಉತ್ಪನ್ನಗಳು ತೇವವಾದ ಹವಾಮಾನವು ಹಾನಿಕಾರಕ ಬ್ಯಾಕ್ಟೀರಿಯಾವನ್ನು ಹುಟ್ಟುಹಾಕುತ್ತದೆ, ಇದು ಡೈರಿ ಉತ್ಪನ್ನಗಳಲ್ಲಿ ಅಡೆತಡೆಯಿಲ್ಲದೆ ಬೆಳೆಯುತ್ತದೆ.
ವಿಶೇಷ ಸೂಚನೆ: ಪ್ರಿಯ ಓದುಗರೆ ವಸ್ತುನಿಷ್ಠ ವರದಿ ಹಾಗೂ ಮಾಹಿತಿ ನೀಡಲು ವಿಜಯಪ್ರಭಾ.ಕಾಂ ಸಂಪಾದಕೀಯ ತಂಡ ಬದ್ಧವಾಗಿದೆ. ಒಂದು ವೇಳೆ ನಾವು ನೀಡುವ ಮಾಹಿತಿ ಬಗ್ಗೆ ತಕರಾರಿದ್ದರೆ ನಮ್ಮvijayaprabhanews@gmail.com ಈಮೇಲ್ ಮಾಡಿ ತಕ್ಷಣ ಪರಿಶೀಲಿಸಿ ತಿದ್ದಿಕೊಳ್ಳುತ್ತೇವೆ.
