ಬಾಡಿಗೆ ತಾಯ್ತನ ಎಂದರೆ ಮಹಿಳೆ ತನ್ನದಲ್ಲದ ಭ್ರೂಣವನ್ನು ತನ್ನ ಗರ್ಭದಲ್ಲಿ ಪೂರ್ಣಾವಧಿಗೆ ಇಟ್ಟುಕೊಂಡು, ಪೊರೆದು ಹೆತ್ತು ಕೊಡುವುದು. ಈ ಕೆಲಸಕ್ಕಾಗಿ ಮಹಿಳೆ ಹಣ ಪಡೆಯುವುದರಿಂದ ಇದು ‘ಬಾಡಿಗೆ ತಾಯ್ತನ’ ಎಂದು ಕರೆಯಲಾಗುತ್ತದೆ.
ಒಂದಲ್ಲ ಒಂದು ಕಾರಣಕ್ಕಾಗಿ ಮಗುವನ್ನು ಪಡೆಯಲು ಅಶಕ್ತರಾದ ದಂಪತಿ, ತಮ್ಮದೇ ಮಗುವನ್ನು ಪಡೆಯಲು ಈ ಬಾಡಿಗೆ ತಾಯ್ತನದ ಆಯ್ಕೆಯು ಪರ್ಯಾಯ ಮಾರ್ಗವಾಗಿದೆ. ಬಂಜೆತನದ ಪ್ರಕರಣಗಳಲ್ಲಿ ಮಾತ್ರ ಬಾಡಿಗೆ ತಾಯ್ತನಕ್ಕೆ ದೇಶದಲ್ಲಿ ಅವಕಾಶವಿದೆ.
ಬಾಡಿಗೆ ತಾಯ್ತನದಿಂದ ಯಾರೆಲ್ಲಾ ಮಗುವನ್ನು ಪಡೆಯಬಹುದು?
ದಂಪತಿಗೆ ಮದುವೆಯಾಗಿ 5 ವರ್ಷವಾಗಿರಬೇಕು, 25-50 ವರ್ಷ(ಪತ್ನಿ) & 26-55(ಪತಿ) ವರ್ಷದೊಳಗಿನ ದಂಪತಿಗಳು ಬಾಡಿಗೆ ತಾಯ್ತನದ ಮೂಲಕ ಮಗುವನ್ನು ಪಡೆಯಬಹುದು. ಅವರು ಈ ಹಿಂದೆ ಜೈವಿಕ/ದತ್ತು ಪಡೆದ ಮಕ್ಕಳನ್ನು ಹೊಂದಿರಬಾರದು.
ದಂಪತಿಯಲ್ಲಿ ಒಬ್ಬರು ಬಂಜೆತನವನ್ನು ದೃಢೀಕರಿಸುವ ಪ್ರಮಾಣಪತ್ರವನ್ನು ಜಿಲ್ಲಾ ವೈದ್ಯಕೀಯ ಮಂಡಳಿಗೆ ಸಲ್ಲಿಸಬೇಕು. ಮಗುವಿನ ಪಾಲನಾ ಹಕ್ಕುಗಳಿಗೆ ಮ್ಯಾಜಿಸ್ಟ್ರೇಟ್ದಿಂದ ಆದೇಶವನ್ನು ಪಡೆದಿರಬೇಕು. ಹೆರಿಗೆಯ ನಂತರ 16 ತಿಂಗಳವರೆಗೆ ಬಾಡಿಗೆ ತಾಯಿಗೆ ವಿಮೆ ಮಾಡಿಸಬೇಕು.
ಬಾಡಿಗೆ ತಾಯ್ತನ: ಸರ್ಕಾರದ ಒಂದಷ್ಟು ಷರತ್ತುಗಳು!
‘ಬಾಡಿಗೆ ತಾಯ್ತನ’ ಕಾಯ್ದೆಯ ದುರುಪಯೋಗವನ್ನು ತಡೆಯಲು ‘ಬಾಡಿಗೆ ತಾಯ್ತನ’ ನೀಡುವವರಿಗೆ ಸರ್ಕಾರ ಕೆಲವು ಷರತ್ತುಗಳನ್ನು ವಿಧಿಸಿದೆ.
★ ಬಾಡಿಗೆದಾರರಾಗುವ ಮಹಿಳೆಯು ವಿವಾಹಿತಳಾಗಿರಬೇಕು (ವಿಚ್ಛೇದಿತ ಮಹಿಳೆಯರಿಗೆ ಸಹ ಅನ್ವಯ).
★ ಈ ಹಿಂದೆ ಒಂದು ಮಗುವಿಗೆ ಜನ್ಮ ನೀಡಿರಬೇಕು.
★ ಒಮ್ಮೆ ಮಾತ್ರ ಬಾಡಿಗೆ ತಾಯ್ತನ ಹೊಂದಲು ಅವಕಾಶ.
★ ವಯಸ್ಸು: ಕನಿಷ್ಠ 25 ರಿಂದ 35 ವರ್ಷಗಳ ನಡುವೆ ಇರಬೇಕು.
★ ಬಾಡಿಗೆ ತಾಯ್ತನವನ್ನು ಆಯ್ಕೆ ಮಾಡಿಕೊಳ್ಳುವ ದಂಪತಿಗಳು ನಿಕಟ ಸಂಬಂಧಿಗಳಾಗಿರಬೇಕು.