ಚಿಕ್ಕಮಗಳೂರು: ಪಕ್ಕದ ಊರಿನ ಮದುವೆಗೆ ಪಾತ್ರೆ ಕೊಟ್ಟ ಕಾರಣಕ್ಕೆ ಮುಳ್ಳುವಾರೆ ಗ್ರಾಮದ ಒಂದು ಕುಟುಂಬದ ಮೇಲೆ ಬಹಿಷ್ಕಾರ ಹಾಕಲಾಗಿದೆ ಎಂದು ಗ್ರಾಮಸ್ಥರು ಆರೋಪಿಸಿದ್ದಾರೆ.
ವಸ್ತಾರೆ ಹೋಬಳಿಯ ಮುಳ್ಳುವಾರೆ ಗ್ರಾಮದ ನಿವಾಸಿ ಮತ್ತು ಊರಿನ ಮುಖ್ಯಸ್ಥರಾಗಿದ್ದ ಎಂ.ಎಂ. ಭೈರಪ್ಪ ಅವರು ಈ ಬಗ್ಗೆ ಪತ್ರಿಕಾಗೋಷ್ಠಿ ನಡೆಸಿದ್ದಾರೆ. ಅವರು ಹೇಳಿದಂತೆ, ಪಕ್ಕದ ಕೆಸರಿಕೆ ಗ್ರಾಮದಲ್ಲಿ ಒಂದೇ ದಿನ ಮೂರು ಮದುವೆಗಳು ನಡೆಯುತ್ತಿದ್ದವು. ಅಲ್ಲಿನ ಅಡುಗೆಗೆ ಪಾತ್ರೆಗಳ ಕೊರತೆ ಉಂಟಾಗಿದ್ದರಿಂದ, ತಾವು ಮೂರು ಪಾತ್ರೆಗಳನ್ನು ಸಹಾಯಕ್ಕಾಗಿ ನೀಡಿದ್ದರು.
ಆದರೆ, ಈ ಕ್ರಮವನ್ನು ಗ್ರಾಮದ ಕೆಲವು ಸದಸ್ಯರು ಒಪ್ಪಲಿಲ್ಲ. ಇದರ ಪರಿಣಾಮವಾಗಿ, ಆರು ಮಂದಿ ಗ್ರಾಮಸ್ಥರು 6,000 ರೂಪಾಯಿ ದಂಡ ವಿಧಿಸಿ, ಭೈರಪ್ಪ ಅವರ ಕುಟುಂಬದ ಮೇಲೆ ಸಾಮಾಜಿಕ ಬಹಿಷ್ಕಾರ ಹಾಕಿದ್ದಾರೆ ಎಂದು ಆರೋಪಿಸಲಾಗಿದೆ.
ವಿಶೇಷ ಸೂಚನೆ: ಪ್ರಿಯ ಓದುಗರೆ ವಸ್ತುನಿಷ್ಠ ವರದಿ ಹಾಗೂ ಮಾಹಿತಿ ನೀಡಲು ವಿಜಯಪ್ರಭಾ.ಕಾಂ ಸಂಪಾದಕೀಯ ತಂಡ ಬದ್ಧವಾಗಿದೆ. ಒಂದು ವೇಳೆ ನಾವು ನೀಡುವ ಮಾಹಿತಿ ಬಗ್ಗೆ ತಕರಾರಿದ್ದರೆ ನಮ್ಮvijayaprabhanews@gmail.com ಈಮೇಲ್ ಮಾಡಿ ತಕ್ಷಣ ಪರಿಶೀಲಿಸಿ ತಿದ್ದಿಕೊಳ್ಳುತ್ತೇವೆ.
