ರಾಜ್ಯಾದ್ಯಂತ ಸಂಚಾರ ನಿಯಮ ಉಲ್ಲಂಘನೆ ಪ್ರಕರಣಗಳ ಸಂಬಂಧ ಕ್ಯಾಮರಾಗಳ ಮಾಹಿತಿ ಆಧರಿಸಿ ಪೊಲೀಸರು ವಿಧಿಸಿರುವ ದಂಡದ ಮೊತ್ತದಲ್ಲಿ ಒಂದು ಬಾರಿಗೆ ಅನ್ವಯವಾಗುವಂತೆ ಶೇ.50ರಷ್ಟು ರಿಯಾಯಿತಿ ನೀಡಿ ರಾಜ್ಯ ಸರ್ಕಾರ ಆದೇಶಿಸಿದೆ.
ಹೌದು, ರಾಜ್ಯ ಸರ್ಕಾರ ಆದೇಶದಂತೆ ಫೆಬ್ರವರಿ 11ರ ಮೊದಲು ಚಲನ್ಗಳನ್ನು ಪೂರ್ಣವಾಗಿ ಪಾವತಿಸುವವರಿಗೆ ಒಟ್ಟು ದಂಡದ ಮೇಲೆ 50% ರಿಯಾಯಿತಿ ಸಿಗಲಿದ್ದು, ಈ ಆಫರ್ ಘೋಷಣೆ ಬೆನ್ನಲ್ಲೇ ಫೆಬ್ರವರಿ 3ರಂದು ಒಂದೇ ದಿನ 5.61 ಕೋಟಿ ರೂಪಾಯಿ ದಂಡ ವಸೂಲಿಯಾಗಿದೆ.