ಬರೋಬ್ಬರಿ 200 ಕೋಟಿ ಅಕ್ರಮ ಹಣ ವರ್ಗಾವಣೆ ಪ್ರಕರಣದಲ್ಲಿ ನಟಿ ಜಾಕ್ವೆಲಿನ್ ಫೆರ್ನಾಂಡಿಸ್‌ಗೆ ಇಂದು ನಿರ್ಣಾಯಕ ದಿನವಾಗಿದ್ದು, ನವಂಬರ್ 11 ರಂದು ಪಟಿಯಾಲ ಹೌಸ್‌ ಕೋರ್ಟ್‌ ಜಾಮೀನು ವಿಚಾರಣೆ ನಡೆಸಿ ಇಂದಿಗೆ ತೀರ್ಪನ್ನು ಕಾಯ್ದಿರಿಸಿದೆ.
ನಟಿ ಜಾಕ್ವೆಲಿನ್ ಮಧ್ಯಂತರ ಜಾಮೀನು ನವಂಬರ್ 10ಕ್ಕೆ ಅಂತ್ಯಕಂಡಿತ್ತು. ಕಳೆದ ಗುರುವಾರ ಅದನ್ನು ಇಂದಿನ ತನಕ ವಿಸ್ತರಿಸಿ ಕೋರ್ಟ್‌ ಆದೇಶ ನೀಡಿತ್ತು. ಈಗ ಸಾಮಾನ್ಯ ಬೇಲ್‌ ಬಗ್ಗೆ ಕೋರ್ಟ್‌ ತೀರ್ಪು ಹೊರಬರಲಿದ್ದು, ಒಂದು ವೇಳೆ ಜಾಮೀನು ಸಿಗದಿದ್ದರೆ ನಟಿ ಜಾಕ್ವೆಲಿನ್ ಜೈಲು ಪಾಲಾಗುವ ಸಾಧ್ಯತೆ ಇದೆ ಎನ್ನಲಾಗಿದೆ.
