ಆಯಿಲ್ ಮಾರ್ಕೆಟಿಂಗ್ ಕಂಪನಿಗಳು LPG ಸಿಲಿಂಡರ್‌ಗಳ ಹೊಸ ದರಗಳನ್ನು ಬಿಡುಗಡೆ ಮಾಡಲಾಗಿದ್ದು, ಎಲ್‌ಪಿಜಿ ವಾಣಿಜ್ಯ ಅನಿಲ ಸಿಲಿಂಡರ್ ಬೆಲೆಯನ್ನು ಕಡಿಮೆ ಮಾಡಲಾಗಿದೆ. ಆದರೆ, ಗೃಹ ಬಳಕೆ ಸಿಲಿಂಡರ್ ಬೆಲೆಯಲ್ಲಿ ಯಾವುದೇ ಬದಲಾವಣೆಯಾಗಿಲ್ಲ,
ಪರಿಣಾಮ 19 ಕೆ.ಜಿ ಕಮರ್ಷಿಯಲ್ ಗ್ಯಾಸ್ ಸಿಲಿಂಡರ್ ಇಂದಿನಿಂದ 25.50 ರೂ ಗಳಷ್ಟು ಇಳಿಕೆಯಾಗಿದ್ದು, ಪರಿಷ್ಕೃತ ತೈಲ ಬೆಲೆಯು ನಿನ್ನೆ ಮಧ್ಯ ರಾತ್ರಿಯಿಂದಲೇ ಜಾರಿಯಾಗಿದೆ. ವಾಣಿಜ್ಯ ಸಿಲಿಂಡರ್ ಬೆಲೆಯನ್ನು ಸತತ ಆರನೇ ತಿಂಗಳು ಕಡಿಮೆ ಮಾಡಲಾಗಿದ್ದು, ಇದರ ಬೆಲೆ ಮೇ ತಿಂಗಳಲ್ಲಿ 2,354ರೂಗೆ ತಲುಪಿತು. ಆದರೆ ಅಂದಿನಿಂದ ನಿರಂತರವಾಗಿ ಕಡಿತಗೊಳಿಸಲಾಗಿದೆ.
ಈ ಮೂಲಕ ದೆಹಲಿಯಲ್ಲಿ ಎಲ್‌ಪಿಜಿ ಕಮರ್ಷಿಯಲ್ ಗ್ಯಾಸ್ ಸಿಲಿಂಡರ್ ಬೆಲೆ 25 ರೂಪಾಯಿ 50ಪೈಸೆ ಇಳಿಕೆಯಾಗಿದ್ದು, 1859.50 ರೂ ಗೆ ಇಳಿದಿದೆ.ಇದಕ್ಕೂ ಮೊದಲು ದೆಹಲಿಯಲ್ಲಿ 1885 ರೂಪಾಯಿಯಾಗಿತ್ತು. ಕೋಲ್ಕತ್ತಾದಲ್ಲಿ 36.50 ರೂ, ಮುಂಬೈನಲ್ಲಿ 32.50ರೂ. ಹಾಗೂ ಚೆನ್ನೈನಲ್ಲಿ 35.50 ರೂಪಾಯಿ ಇಳಿಕೆ ಆಗಿದೆ.
